Anna Kristín Newton annast meðferð fullorðinna sem og ungmenna. Hún styðst við gagnreyndar aðferðir á borð við hugræna atferlismeðferð (HAM) og hvatningarsamtalstækni (motivational interviewing). Hún vinnur að lausnamiðaðri nálgun (solution focused) á þeim vanda sem er til staðar og leggur áherslu á að efla styrkleika og verndandi þætti.

Ásrún sinnir greiningu og meðferð á sálrænum vanda hjá fullorðnum og ungmennum. Hún annast m.a. kvíða- og þunglyndismeðferð og meðferð við lágu sjálfsmati og áfallastreituröskun. Ásrún hefur reynslu af því að vinna með barnshafandi konum og andlegri líðan þeirra á tímabilinu í kringum og eftir fæðingu.

Elvar tekur að sér greiningu og meðferð á sálrænum vanda hjá fullorðnum og ungmennum. Hann sinnir m.a. kvíða- og þunglyndismeðferð og meðferð við lágu sjálfsmati, hegðunarvanda og áhættuhegðun.

Erla sinnir meðferð fyrir 20 ára og eldri. Hún annast einkum meðferð við áfallastreitu, flóknum áföllum, lyndisröskunum (depurð, kvíða og þunglyndi), lágu sjálfsmati, afbrotahegðun, kynferðisofbeldi og óviðeigandi kynhegðun sem og almennri sálfræðiráðgjöf og handleiðslu.

Haukur sinnir greiningu og meðferð barna, ungmenna og fullorðinna og styðst við gagnreyndar aðferðir í starfi sínu, t.a.m. hugræna atferlismeðferð. Einnig sinnir hann greiningu á ADHD hjá fullorðnum og er í samstarfi við geðlækni þar að lútandi.

Trausti annast sálfræðilega ráðgjöf og meðferð ungmenna og fullorðinna og greiningu á geðröskunum eins og t.d. kvíða, þunglyndi og ADHD.